"Defending is an art" الدفاع فن دى جمله قالها أسطورة التدريب الايطالى أرييجو ساكى ,لكن ابناء بيب جوارديولا لا يعرفون عنها شئ وخصوصا الراجل الارجنتينى فى خط بيب الخلفى 

أحيانا ممكن نسمع عن لاعب يعمل غلط وحيد فى ماتش ينتج عنه انتقادات كبيره على اللاعب ده من الجمهور والنقاد , فما بالك باللى بيعمل دستة أخطاء فى ماتش واحد ؟؟!!!

فى الموضوع ده هنتكلم عن كوارث أوتاميندى التكتيكيه من مباراة مانشستر سيتى وتشيلسى والشرح بالصور...

1- الصوره الأولى الكوره مع هازارد هجمه مرتده لتشيلسى وأوتاميندى قلب الدفاع اليمين موجود فى نص ملعب تشيلسى طبعا مش دى الكارثه لأن ده طبيعى عند بيب لان الكوره مع فريقه ولازم خطوطه تكون قريبه من بعض

2- الصوره التانيه هازارد قرب ونافاز و فيرناندينو رجعوا للمسانده

3- المفروض أوتاميندى كان يروح فى اتجاه السهم عشان يقفل زاوية التمرير لكوستا على هازارد وفيرناندينو هيدخل يغطى قلب الملعب , ولما هو يقفل زاوية التمرير هيقدر أنه يعطل هازارد ويقلل من سرعته وده اللى هيسمح لنافاز السريع انه يوصل لهازارد ويضغط عليه ويقلل من قوة المرتده , انما أوتاميندى اعملش كده وفضل يفكر يروح يمين ولاشمال وفى الاخر ولا عمل ده ولا ده والكوره اتلعبت من هازارد فعلا لكوستا ولحسن حظ السيتى أن ستونز لحق الكوره وقطعها

4- طبعا اصرار جوارديولا على ان المدافعين مايخرجوش الكوره غير على الأرض مبالغ فيه بشكل كبير وكان هينتج عنه هدف أكيد , انا طبعا بنتقد بيب وبنتقد ستونز على سوء التصرف لكن الحقيقه ماينفعش يعدى الممنظر ده من غير ماانتقد أوتاميندى ...
اوتاميندى ياحبيبى انت بتعمل كارثه انا مش بعملها مع صحابى لما بلعب كوره خماسيه فى الشارع 
هنا النجم اوتاميندى اللى عليه الدايره الحمرا رايح متمركز فى مكان ماحدش عارف هو ليه راحه غير اوتاميندى ياابنى ياحبيبى انت كده بتخنق ستونز اللى معاه الكوره , انت جيت هنا وجبت معاك هازارد اللى ضاغط عليك وبالتالى بقى ضاغط على ستونز , انما انت لو كنت روحت فى اتجاه السهم كنت هتاخد معاك هازارد وتفتح زاوية تمرير لستونز وهيقدر يخرج الكوره ع الارض زى ماقال بيب وتروح للاعب الللى عليه الدايره الصفرا

5-هو انا لو قولت فى الصوره الخامسه ان هازارد مش متسلل و اوتاميندى ماجبش الكوره هيجرى حاجه ؟؟؟؟

6-شايفين اوتاميندى فى الصوره دى 6 ؟؟؟

7-طب شايفين اوتاميندى فى الصوره دى 7؟؟؟

8-هنا بئه الكارثه العظيمه ...
الدقيقه 69 النتيجه 1-1 والانجليز دايما بيقولو للمدافع لما يخرج للضغط ع المهاجم "dont go with him all the way " يعنى ماتروحش معاه طول الطريق ..

9-اوتاميندى فعلا مارحش معاه طول الطريق ده كمل الطريق لوحده خالص وساب كوستا يجرى على منطقة جزائهم والنتيجه كانت جول لتشيلسى فى وقت قاتل ..

فى غلطات ممكن تتعمل فى اكتر من ماتش للاعب واحد ومانقدرش نستحملها انما لما نشوف الكم الكبير من الغلطات الكارثيه لمدافع المفروض انه واحد من احسن مدافعين العالم لانه بيلعب مع واحد من اقوى فرق العالم يبئه لازم نتأكد ان فيه كارثه 
اوتاميندى مدافع ضعيف جدا جدا جدا ومش ممكن مانشستر سيتى هيقدر يفوز بالبريميرليج او دورى الابطال وهو عنده خط دفاع بالشكل ده

لكن السؤال هنا هل اوتامندى قادر على تعديل أخطائه وهل هو يستحق التواجد فى فريق بينافس على الدورى الانجليزى ودورى الأبطال؟؟؟