• CIB
  • CIB
  • CIB

كشف أسرار تفوق أليجرى على الكتالان فى ملحمة تورينو

كشف أسرار تفوق أليجرى على الكتالان فى ملحمة تورينو
2017-04-12 21:26:49

ماينفعش يعدى ماتش كبير لأليجرى من غير مايكون فيه دروس تكتيكيه وأفكار ذكيه جدا ..
وفى ماتش برشلونه أليجرى خرج بأفكار ممتازه قدر بيها ا،ه يقتل برشلونه ويحسم ملحمة ربع النهائى فى نصها الأول..

-أفكار أليجرى بدأت بالضغط العالى من فوق فى مناطق برشلونه وحرمانهم من بداية الهجمه واللعب بأسلوبهم المفضل , ضغط اليوفى زى ماهو واضح فى الصوره الأولى كان ضغط جماعى منظم بخنق حامل الكوره وغلق كل زوايا التمرير عليه ..

-وده اللى أجبر برشلونه انهم يخرجو على اجناب الملعب وبما ان ميسى ونيمار كانو هما لاعيبة الأطراف لكن وجودهم كان فى محطات عاليه أخر على برشلونه عملية وصول الكوره والخروج اليهم وده كان السبب فى معاناة برشلونه فى .. وحاول فريق برشلونه انه يحل الأزمه دى بنزول ميسى ونيمار لنص ملعب برشلونه وخروجهم بالكوره , لكن فكرة أليجرى التانيه ظهرت هنا فى انه ألزم ساندرو وألفيش بالضغط العالى على ميسى ونيمار فى اى مكان يكونو فيه حتى لو فى نص ملعب برشلونه  ..

 

-بعد الجول الأول تراجع فريق اليوفى وقل من التيمبو بتاعه وبدأ يتراجع لنص ملعبه لكنه برضو كان عنده أفكار فى كده وهى توجيه لعب برشلونه للحلقه الأضعف وهو ماثيو , وده اللى كان بيعمد اليه فريق اليوفى بأنه يغلق كل زوايا التمرير على كل لاعيبة برشلونه ماعدا ماثيو عشان يجبرو حامل الكوره من برشلونه انه يلعب الكوره لأضعف واحد فى الفريق ومن هنا يضمنو كسب الكوره وتقليل الخطوره زى ماهو واضح فى الصوره

-أفكار اليوفى فى الهجوم كانت مبنيه ع المرتدات السريعه فى أجناب الملعب خصوصا وان طريقة 3-4-3 Diamond اللى بيلعبو بيها برشلونه بتسيب مساحات كبيره فى اجناب الملعب , ومن هنا بنا أليجرى فكره جديده وهى تجميع اللعب فى جنب معين من الملعب وخصوصا الجنب اليمين لبرشلونه وبعد كده نقل الكوره بشكل سريع للجنب التانى اللى فيه ماثيو واللى هيكون فيه فراغات كبيره جدا لكوادرادو اللى بيكون دايما فاتح الملعب بالعرض زى الصور ..

-ولما توصل الكوره فعلا لكوادرادو كان دايما فكرة أليجرى فى اللعب فى خلف ماثيو , وعلشان كده كان دايما ديبالا بيتحرك فى ضهر ماثيو الضعيف جدا زى ماهو واضح فى الصور دى  اللى منهم واحده كانت لقطة الهدف الأول لليوفى ...

-من ضمن الأفكار بتاعت أليجرى كانت فى استغلال ضعف مساندة نص ملعب برشلونه للدفاع وده اللى استخدمه بذكاء كبير فى اكتر من كوره لكن طبعا ابرز كوره ظهرت فيها الفكره كانت لقطة الهدف التانى اللى راح فيها هيجواين ودخل منطقة الجزاء وثبت مادفعين برشلونه جوا المنطقه وفى نفس الوقت جه ديبالا من تحت من غير أى رقابه عشان يحط الجول من مكان فاضى , كان مفروض ان ماسكيرانو يكون موجود فيه ويعمل الTrack Back ب Sprint انما ماسكيرانو كان راجع بيتتمشى وماقفلش زاوية التمرير على ديبالا و التوضيح فى الصوره

انسو ريمونتادا باريس , أرسنال فرصته فى انه يكسب الدورى السنادى أكبر من أن برشلونه يتأهل على حساب يوفينتوس , يوفينتوس حاطط رجل ونص فى نص النهائى ...!

أُضيفت في: 12 أبريل (نيسان) 2017 الموافق 15 رجب 1438
منذ: 5 شهور, 7 أيام, 2 ساعات, 49 دقائق, 25 ثانية
0
الرابط الدائم

التعليقات

12255

استطلاع الرأي

من تتوقع رئيس الأهلى القادم

جوجل بلاس

جميع الحقوق محفوظة 2016 © - أهلى سبورت