شن رضا سيكا مدافع الزمالك والإسماعيلي السابق هجوما عنيفا على وسائل الإعلام المصرية وعلى الإعلاميين، واتهمهم بالانحياز لفريق الأهلي على حساب الزمالك.

وكتب سيكا عبر حسابه على "فيس بوك" "بالأخص الإعلاميين.. بالأخص الطبالين.. بالأخص بطولة إفريقيا.. بالأخص أول مباراة في دور 16، الزمالك يكسب والأهلي يتعادل.. تلاقي الإعلام بقى عنده أجازة في لسانه.. لسانه اتشل .. وفي جنازة في الاعلام.. وبردو يقولك الزمالك لعب وفاز علي فريق عادي ويفطس فوز وفرحة جمهور نادي الزمالك".وأضاف "إنما لما الأهلي يكسب والزمالك يتعادل تلاقي الإعلام كله ماسك الطبلة ومشغل أغنية.. هو ده اللي بيفرح الشعب المصري.. هو ده اللي مهنينا ويفرحنا.. هو ده اللي رافع راس مصر فوق.. هو ده نادي القيم والمبادئ، وتلاقي الفيس بوك والسوشيال ميديا كلها شغالة على الأغنية دي".

واختتم سيكا تصريحاته قائلا "والله لو أنا مسئول أول قرار أنت وهو وأبو كرش المخرج تقعد في بيتك يا أخي سنة واحدة، والله الجمهور هيرجع أحسن من الأول".