Notice: Undefined variable: LocalTime in /home/ahlysprt/public_html/ix/web/~header.php on line 12
الخميس 28 مارس 2024 11:52 صـ
أهلى سبورت

رئيس مجلس الإدارة محمد عبد الرحمن أحمد

رئيس مجلس الإدارة محمد عبد الرحمن أحمد

كرة عالمية

عاد لينتصر ..!

أهلى سبورت

قدر الرجل الاستثنائى جوزيه مورينيو من التغلب على متصدر الدورى فريق تشيلسى

بعد ان جنى حصيلة مازرعه فى مباراة الكاس من افكار تكتيكيه .. تأخر حصدها لمباراة ملعب الأولد ترافورد فى البريميرليج عن مباراة كاس الرابطه بسبب طرد هيريرا المبكر فى المباراة الأولى مماأدى لبعثرة جميع أوراق الاستثنائى , لكن فى تالت مواجه بين الأستثنائى وفريقه السابق قدر انه يقتلهم قتل بعد تنفيذ أفكاره التكتيكيه العبقريه ...

 

اللى بدأت بضغط عالى على تشيلسى فى مناطقهم وحرمانهم من بداية الهجمات بأسلوبهم المفضل ولكن لحظه ..! ضغط مورينيو أختلف عن ضغط باقى الفرق لأن ضغط مورينيو كان بيعتمد على خروج دارميان او بايلى او روخو او هيريرا مع بيدو كوستا هازارد على الترتيب على حسب اتجاه خروج كرة تشيلسى

اذا كان من اتجاه بيدرو يخرج دارميان لو كوستا يخرج روخو او بايلى حسب الأقرب ليه ولو هازارد يخرج معاه هيريرا ... وهنا الصوره بتوضح الضغط العالى من مناطق عليا من فريق مانشستر يونايتد مع خروج دارميان مع بيدرو لمنعه من استلام الكوره ...

وفى حالة عدم قدرة الشياطين الحمر على تنفيذ الضغط العالى بسبب وجود فريق تشيلسى فى حاله تسمحله بالبناء الصحيح , كان يضطر صاحب الأرض على الوقوف خلف الكوره ب10 لاعبين معتمدا على الثنائى الشاب راشفورد ولينجارد فى توجيه هجمة تشيلسى واجبار متصدر البريميرليج على الدخول الى العمق لانه المكان الموجود فيه كثافه عدديه من فريق مانشستر واللى كان متحكم فيه فريق مانشستر يونايتد بشكل كبير .. افكار مورينيو فى توجيه الهجمات بنيت على جعل راشفورد ولينجارد يغلقون زوايا التمرير على اجناب الملعب وجعل حامل الكوره مجبر على مواجهة بوجبا وفيلاينى الى بدورهم بيمنعوا اى فرصه لتمرير الكوره لثنائى الارتكاز ماتيتش وكانتى ...!

 

معظم الفرق بيكون عندها لاعب هو مفتاحها لما تخنقه الفرقه كلها تتخنق

وهنا يجى عمل مورينيو فى غلق مفتاح تشيلسى الأهم المتكون فى ايدين هازارد , أعتمد الرجل الاستثنائى فى فكرته لخنق هازارد على تكوين مراقبه لاصيقه عليه طوال ال90 دقيقه , اختار مورينيو فى عمل المراقبه على ايدين هازارد نجمه وجنديه المجهول اندر هيريرا اللى كان اقرب لهازارد من ظله طوال المباراه وقدر هيريرا انه فعلا يخنق هازارد ويخرجه من ذهنيا وفنيا من المباراه بتنفيذه دوره على أكمل وجه

لدرجة ان هيريرا ماكنش مهتم بمركزه او بمكان تواجد الكوره قد ماهو كان مهتم بمكان تواجد هازارد زى ماهو واضح فى الصوره ان الكوره فى مكان وعين هيريرا فى مكان تانى خالص وهو مكان وجود ايدين هازارد

من أكبر نقط قوة تشيلسى هى ان عند خروج اى لاعب من الثلاثى بيدرو كوستا وهازارد الى خارج منطقة الجزاء لطلب الكوره فى Zone14 او المناطق القريبه منها دايما بيخرج معاه لاعب من الفريق المنافس وهنا دايما بتخلق مشكله عند دفاع الخصم لانه دايما بيكون فى مواجهه ثنائيه مباشره بين ثنائى الدفاع والثنائى الهجومى لتشيلسى وهنت بتكون دايما الغلبه للمهاجمين , لكن الرجل الاستثنائى قدر انه يتغلب على قوة تشيلسى فى الاتجاه ده ومع مورينيو أصبحت دايما المواجهه ب3 على 2 لصالح مدافعينه 

زى ماواضح فى الصوره الأولى عند خروج هيريرا لمراقبة هازارد كظله كان دايما فى زياده عدديه على بيدرو وكوستا فى مناطق اليونايتد الدفاعيه

وهنا عند خروج بايلى للضغط على كوستا كان دايما الزياده العدديه موجوده عند مدافعين اليونايتد على هازارد وبيدرو

تشيلسى من أقوى فرق الدورى تنفيذا للمرتدات لو ماكنش أقواهم , يعتمد تشيلسى فى مرتداته على قدرة الثلاثى الهجومى فى التحول السريع من الحاله الدفاعيه للهجوميه , لكن مورينيو جهز نفسه وفريقه بشكل كبير لمرتدات البلوز وذلك من خلال تقريب لاعبيه من ثلاثى تشيلسى عند امتلاك اليونايتد للكوره .. دايما لما بتكون الكوره مع اليونايتد وهو الفريق المستحوذ كان دايما هيريرا قريب من هازارد ودارميان قريب من بيدرو و روخو او بايلى واحد منهم قريب من كوستا لقتل المرتدات بالضغط العالى عليهم عند امتلاكهم ا.لكوره وقتل اى فرصه ليهم للتحول الهجومى ..

الأهلي الدوري أخبار الأهلي الكرة العالمية

آخر الأخبار